Achemenet|LB > 1658953

Identity

Reference: 1658953
Corpus: Strassmaier

Fields

Title

Strassmaier, Darius 309

Inventory number

BM 32901

link

http://www.achemenet.com/fr/item/?/1658953

Babylonian date

11-ix-Dar. I 11

Date Julienne

511

Writting place

Šahrinu

Text edition

Peiser, BRL III p. 33; autre copie: Strassmaier, Liverpool n°176

Bibliography

J.N. Strassmaier, Inschriften von Darius König von Babylon (521-485 v. Chr.), Leipzig, 1897

Summary

Serment prononcé par Ardiya auprès de Marduk-nâṣir-apli: il s'engage à rembourser d'ici un mois une dette de 8 gur (1440 litres) d'orge, 34 gur (6120 litres) de dattes et 13 sicles (108,3 g. ) d'argent, faute de quoi son esclave Nergal-bulliṭanni, placé en gage auprès de Marduk-nâṣir-apli sera vendu à celui-ci pour le montent de la dette en dattes et argent. L'orge restera due au cours du moment.

translitteration

	^Iìr-ia a-šú šá ^Idu-gur-mu ina ^den ^dpa u ^Ida-ri-ʾa-muš lugal
2	a-na ^Idamar-utu-na-ṣir-a a-šú šá ^Iki-^damar-utu-din a ^Ie-gi-bi it-te-me
	ki-i a-di-i {a-di} u₄ 15-kam šá iti ab šá mu 11-kam ^Ida-ri-ʾa-muš
4	lugal e^ki u kur-kur 8 gur še-bar 34 gur zú-lum-ma 13 gín kù-babbar babbar-ú
	a-na-áš-šá-am-ma ina ra-šu-tu ina igi-ka šá ina muh-hi-iá a-na ^Iddi-ku₅-mu
6	lú qal-li-ka a-nam-din-ma ^Idu-gur-bul-liṭ-an-ni lú qal-la šá ^Iìr-iá
	maš-ka-nu ina igi ^Iddi-ku₅-mu ku-um še-bar a₄8 gur 34 gur
8	zú-lum-ma ù kù-babbar aʾ 13 gín babbar-ú šá-ki-in ki-i u₄ 15-kam
	šá iti ab šá mu 11-kam še-bar a₄8 gur 34 gur zú-lum-ma ù^!
10	kù-babbar a₄13 gín babbar-ú ina ra-šu-tu šá ^Idamar-utu-pap-a šá ina muh-hi-šú
	a-na ^Iddi-ku₅-mu la it-tan-nu ^Idu-gur-bul-liṭ-an-ni lú qal-la
12	šá ^Iìr-ia a-na šám ha-ri-iṣ ku-um 34 gur zú-lum-ma
	ù kù-babbar a₄13 gín babbar-ú pa-ni ^Idamar-utu-na-ṣir-a id-d[ag-gal]
14	ù še-bar a₄8 gur a-ki-i ma-ha-ri šá tin-tir^ki ⌈a⌉-[na]
	^Idamar-utu-pap-a i-nam-din u₄ 15-kam še-bar zú-lum-ma ù [kù-babbar]
16	^Iìr-ia a-na ^Iddi-ku₅-mu i-nam-din-ma ^Idu-gur-bul-liṭ-an-[ni]
	lú qal-la-šú ⌈ib-bak⌉ ^Iìr-ia ina ^den ^dnà u ^Ida-ri-ʾa-muš [lugal]
18	a-na ^Idamar-utu-pap-a it-te-me ki-i a-dan-nu ú-ìl-tì i-[te-et-qu]
	ina lìb-bi 14 gur zú-lum-ma ù 16 gur še-bar na-ši pu-ut šá ^I⌈ìr⌉-[iá]
20	ù 13 gín kù-babbar babbar-ú šá-ki-in ana pi-i šá ^Imu-^du-gur na-šu-ú
	lú mu-kin-nu ^Isì-na-a a-šú šá ^Ina-din a ^Idù-eš-dingir ^Idu-gur-mu a-šú šá ^Idamar-utu-šur
22	a ^Inumun-a-a ^Ia-a a-šú šá ^Iar-rab-bi ^Iap-la-a a-šú šá ^Igi-mil-lu
	^Imar-duk a-šú šá ^Idbe-dù-numun a ^Ikal-^dIM ^Ita-at-tan-nu a-šú šá
24	^Isi-lim-^den a <^I>lú-^dbe ^Ila-a-ba-ši a-šú šá ^Iden-numun ^Iba-la-ṭu
	a-šú šá ^Išeš-mu ^Iki-na-a a-šú šá ^Iat-kal-ana-^dká ^Idnà-šeš-it-tan-nu
26	a-šú šá ^Idnà-šur a ^Ie-ṭè-ru ^Iden-kád a-šú šá ^Imar-duk a ^Ikal-^dIM
	^Idnà-a-mu a-šú šá ^Iden-numun a ^Ie-gi-bi ^Idnà-ú-ṣur-šú lú umbisag
28	a-šú šá ^Ikar-^damar-utu uru šá-ha-ri-nu iti gan u₄ 11-kam mu 11-kam
	^Ida-ri-ʾa-muš lugal e^ki lugal kur-kur

Notes

Krecher, Egibi p. 290-291