Achemenet|LB > BE 9, 48; Possession of H. V. Hilprecht.

Identité

Référence: BE 9, 48; Possession of H. V. Hilprecht.
Corpus: Murašu

Champs

lien

http://www.achemenet.com/fr/item/?/2043689

Date babylonienne

2/vii/Artaxerxès I 36

Date julienne

429

Lieu de rédaction

Nippur

Type de document

contrat de location

Résumé

Contrat de location : un Perse nommé Baga'miri, fils de Mitradatu, loue à Enlil-šum-iddin, fils de Murašu, des terres agricoles et des maisons situées à Galiya, pour une durée de 60 ans contre un fermage annuel de 3 600 litres de dattes.

translittération

	^Iba-ga-a’-mi-i-ri dumu šá ^Imi-it-ra-da-a-tú ina hu-ud lìb-bi-šú a-na ^Iden-líl-mu-mu dumu šá
2	^Imu-ra-šu-ú ki-a-am iq-bi um-ma še-numun-ú-a zaq-pu u pi₄ šul-pu u še-numun zaq-pu u pi₄ šul-pu
	šá ^Iru-šu-un-da-ti šeš ad-ia mi-ta-nu-ú šá gú i₇ ^d30 u gú i₇ ši-li-ih-ti
4	ù é-meš šu-bat ^urušá ina ^uruga-li-iá tu₁₅-si-sá ús-sa-du še-numun šá ^Idnà-šeš-meš-mu a šá ^Idmaš-mu
	u ús-sa-du še-numun šá ^Idban-a-ni-kam ^lúdumu nibru^ki tu₁₅-u₁₈-lu ús-sa-du še-numun šá ^Imi-nu-ú-^den-da-na
6	a šá ^Iba-la-ṭu tu₁₅-kur-ra gú i₇ ^d30 tu₁₅-mar-tu gú i₇ ši-li-ih-ti u ús-sa-du še-numun
	šá ^Iru-šu-un-pa-a-ti ^lúsi-pir šá ^Iar-ta-ri-e-mu kul-lu a-na ^gišbán u za-qí-pu-tú
8	a-di 60 mu-an-na-meš lu-ud-dak-kam-ma še-numun ziq-pu a-na ^gišbán a-na mu-an-na 20 gur zú-lum-ma
	u še-numun pi₄ šul-pu a-na za-qip-u-tú kil-lu ár-ki ^Iden-líl-mu-mu a šá ^Imu-ra-šu-ú
10	iš-mu-šu-ma še-numun zaq-pu u pi₄ šul-pu ha-la-šú ù ha-la šá ^Iru-šu-un-da-a-tú šeš ad-šú
	mi-ta-nu-ú še-numun zaq-pu šá ina lìb-bi a-na ^gišbán a-na mu-an-na 20 gur zú-lum-ma u še-numun pi₄ šul-pu
12	šá ina lìb-bi a-na za-qip-ú-tú a-di 60 mu-an-na-meš u-kil ina mu-an-na ina ^itidu₆ 20 gur zú-lum-ma
	^gišbán a-šà mu-meš ^Iden-líl-mu-mu a-na ^Iba-ga-a’-mi-i-ri i-nam-din ^gišbán a-šà-šú gam-ri
14	šá mu-an-na-meš-a’ 60 ^Iba-ga-a’-mi-i-ri a šá ^Imit-ra-da-a-tú ina šu^II ^Iden-líl-mu-mu dumu šá
	^Imu-ra-šu-ú ma-hir e-ṭir ina u₄-mu a-di la mu-an-na-meš-a’ 60 i-šal-lim-u’
16	u še-numun-meš ^Iba-ga-a’-mi-i-ri a-na ^Iden-líl-mu-mu ik-ki-mu ku-um dul-lu
	šá ina lìb-bi i-pu-šú u ziq-pu šá ina lìb-bi iz-qu-pu 1 gú-un kù-babbar ^Iba-ga-a’-mi-i-ri
18	a-na ^Iden-líl-mu-mu i-nam-din i-na u₄-mu pa-qa-ru ina muh-hi še-numun mu-meš it-tab-šu-ú
	^Iba-ga-a’-mi-i-ri še-numun mu-meš ú-mar-raq-am-ma a-na ^Iden-líl-mu-mu i-nam-din
20	ta ^itibár mu 37-kam ^Iar-tah-šá-as-su lugal še-numun mu-meš a-di 60 mu-an-na-meš
	ana ^gišbán u za-qip-ú-tú ina igi ^Iden-líl-mu-mu a šá ^Imu-ra-šu-ú

R.22	^lúmu-kin-nu ^Iba-ni-e a šá ^Iba-ri-ki-dingir-meš ^Idmaš-mu u ^Iden-líl-mu-mu a-meš šá ^Idmaš-su
	^Iìr-^den-líl a šá ^Iru-tì-^dmaš ^Iqu-da-a a šá ^Imu-ra-šu-u ^Iìr-^dmaš u ^Išeš-mu a-meš šá
24	^Idmaš-din-iṭ ^Ii-^dmaš a šá ^Iden-1íl-mu-gin ^Ire-mut-^dmaš a šá ^Iden-líl-ha-tin
	^Idutu-šeš-mu a šá ^Idmaš-šur ^Idmaš-na-ṣir u ^Idmaš-mu-tir-ri-šu dumu-meš šá
26	^Idnà-šeš-meš-mu ^Imu-^damar-utu a šá ^Idin-su-^damar-utu ^Ia-a a šá ^Iden-líl-din-su-e
	^Isu-^den-líl a šá ^Iden-líl-ba-na ^Iba-la-ṭu a šá ^Ien-šú-nu ^Iìr-ia a šá ^Idu₁₀-ga-iá
28	^Ikal-a a šá ^Isì-na-a ^Imu-mu a šá ^Iduraš-mu ^Ia-a a šá ^Idká-ba-šá
	^Ila-ba-ši a šá ^Ina-din ^Iim-bi-ia a šá ^Iki-din ^Imu-mu a šá ^Itat-tan-nu
30	^Isu-a ^lúpa-qud šá ká-gal-mah a šá ^Idmaš-mu ^Iden-líl-mu ^lúpa-qud šá ká lugal gu₄-si-sá a šá
	^Iden-líl-din-iṭ ^Idmaš-šeš-mu ^lúpa-qud šá ká-gal-igi-bi-urí^ki-šè dumu šá
32	^Iìr-é-gal-mah ^Idmaš-ana-é-šú ^lúpa-qud šá ká-gal gu-la a šá ^Ilu-ú-i-di-ia
	^Iden-it-tan-nu a šá ^Iden-din-su ^Ius-tú-u’ a šá ^Ida-ar-tú-na-a’ ^Idutu-din-iṭ a šá ^Iti-ri-ia-a-ma
34	umbin ^Iba-ga-a’-mi-i-ri a šá ^Imit-ra-da-a-ti ku-um na₄ kišib-šú šu-um-da-a-tì
	^lúumbisag ^Idmaš-na-ṣir a šá ^Iìr-^den-líl a šá ^Idenšada-gál-ši nibru^ki ^itidu₆ u₄ 2-kam mu 36-kam
36	^Iar-tah-šá-as-su lugal kur-kur
	ina a-šá-bi šá ^fé-<sag>-íl-be-lit dumu mí šá ^Iden-[líl]-it-tan-nu ama ^Iba-ga-a’-mi-i-ri šá-ṭar šá-ṭir

U.E.	na₄ kišib ^Idù-iá / a šá ^Iba-rik-dingir-meš
	na₄ kišib /^Iqu-da-a / a šá ^Imu-ra-šu-u
	na₄ kišib ^Ire-mut-^dmaš / a šá ^Id50-ha-tin
	na₄ kišib /^Isu-^den-líl / a šá ^Id50-ba-na
L.E.	na₄ kišib / ^Iìr-^den-líl / a šá ^Iru-tì-^dmaš
Lo.E.	na₄ kišib / ^Idutu-šeš-mu / a šá ^Idmaš-šur
	na₄ kišib ^Idmaš-mu / a šá ^Imaš-su
	na₄ kišib / ^Id50-mu-mu / a šá ^Idmaš-su
R.E.	na₄ kišib ^Iìr-^dmaš / a šá ^Idmaš-din-iṭ
	na₄ kišib ^Idutu-din-iṭ / a šá ^Iti-ri-ia-a-ma
	na₄ kišib ^Ia-a / a šá ^Iden-líl-din-su-e

Bibliographie

Edition : BE 09, p.36 ; J. Kohler & A. Ungnad, Hundert ausgewählte Rechtsurkunden aus der Spätzeit des babylonischen Schrifttums von Xerxes bis Mithridates II (485-93 v. Chr.), Leipzig, 1911 : 37 (traduction).
Remarques : 10 n.6 ; 18 n.1 ; 23 n.2 ; 24 n.3 ; 125-126 ; 128 n.3 ; 132 n.2 ; 133 ; 134 ; 140 ; 142 ; 143 ; 144 ; 147 & n.1 ; 149. M.W. Stolper, Entrepreneurs and Empire. The Murašu Archive, the Murašu Firm, and Persian Rule in Babylonia (PIHANS 54), Leiden, 1985 :20 n.76 ; 104 n.1 ; 121 n.42.